Gujaratilexicon Word Of The Year 2024

Word Of The Year : 2024

2025ના આગમન અને 2024ની વિદાય વચ્ચે ચાલો આજે એવી કેટલીક ઘટનાઓ વિશે જોઈએ કે જેના આધારે વર્ષ 2018થી ગુજરાતીલેક્સિકોન અને ગુજરાત વિશ્વકોશ ટ્રસ્ટ વર્ષે ‘વર્ડ ઑફ ધ યર’ જાહેર કરે છે.

વર્ષ ૨૦૧૮માં ગુજરાતીલેક્સિકોન દ્વારા સૌ પ્રથમ વાર ગુજરાતી ભાષા માટે ‘વર્ડ ઑફ ધ યર’ જાહેર કરવામાં આવ્યો હતો. આ સમગ્ર પ્રક્રિયા દરમ્યાન આખા વર્ષ દરમ્યાન કયા શબ્દો સૌથી વધુ વાર વપરાયા અથવા ચર્ચામાં રહ્યા અને તે શબ્દોએ સમાજના દરેક વર્ગના લોકો પર શી અસર કરી તે ધ્યાનમાં રાખીને પસંદગી સમિતિ દ્વારા એક શબ્દને ‘વર્ડ ઑફ ધ યર’ તરીકે જાહેર કરવામાં આવે છે.

2024માં બનેલા મુખ્ય બનાવોને ધ્યાનમાં લેતાં તેની સામાજિક-આર્થિક અસરો શું થઈ તે જોઈએ. ભારત માટે 2024નું વર્ષ એક રીતે જોઈએ તો ચૂંટણીનું વર્ષ રહ્યું. આ વર્ષ દરમ્યાન લોકસભા અને અમુક રાજ્યોમાં વિધાનસભાની ચૂંટણીઓ યોજાઈ. ચૂંટણી વખતે દરેક પક્ષે પોતાના ‘મેનિફેસ્ટો’ રજૂ કર્યા. ઘણી ‘પદયાત્રા’ઓ પણ થઈ. આ ઉપરાંત વડાપ્રધાન શ્રીના હસ્તે અયોધ્યા રામમંદિરમાં ભગવાન શ્રી રામની ‘પ્રાણપ્રતિષ્ઠા’ થઈ અને લોકોની ધર્મ ઉપરની અને ખાસ કરીને ‘સનાતન’ ધર્મ ઉપરની આસ્થા વધુ ગાઢ બની. ઘણી ઘટનાઓએ ભારતના ‘સંવિધાન’ની અંદરની કલમોમાં ફેરફાર જરૂરી છે તે તરફ આંગળી ચીંધી. દેશમાં બનતી દરેક ઘટનાઓ હવે ‘સોશિયલ મીડિયા’ મારફતે ગણતરીની પળોમાં લોકો સુધી પહોંચી જાય છે. આ સોશિયલ મીડિયાના ફાયદા પણ છે અને ગેરફાયદા પણ છે. જેમ જેમ ટૅક્નોલૉજીનો વ્યાપ વધે છે તેમ તેમ તેનો દુરુપયોગ પણ થઈ રહ્યો છે અને તેના દુરુપયોગ થકી લોકોમાં ભયનું વાતાવરણ ઊભું કરી ‘ડિજિટલ અરેસ્ટ’ કરવાના કિસ્સા રોજબરોજ ધ્યાનમાં આવી રહ્યા છે.

આમ સમગ્ર વર્ષમાં બનેલા ઘટનાક્રમને ધ્યાનમાં રાખીને એક એવો શબ્દ છે જેણે લોકોને સમજદારી દાખવવા અને સતર્ક રહેવા મજબૂર કર્યા છે અને તે શબ્દ છે ‘ડિજિટલ અરેસ્ટ’ જેને વર્ષ 2024 માટેનો ‘વર્ડ ઑફ ધ યર’ જાહેર કરવામાં આવે છે.

Word Of The Year : 2023

વર્ષ 2023માં ઘટેલી કેટલીક ઘટનાઓ ઉપર નજર કરતાં જણાશે કે, આર્થિક-સામાજિક અને રાજકીય એમ ત્રણે ક્ષેત્રને જો કોઈ શબ્દ સૌથી વધુ અસર કરી ગયો હોય તો તો છે, ‘આર્ટિફિશય્લ ઇન્ટેલિજન્સ’ (એ.આઇ) (કૃત્રિમ બુદ્ધિમત્તા). આ ટૅક્નોલૉજીનું આગમન વર્ષ 2022માં થઈ ગયું હતું પણ આ તકનીક પર આધારિત સામાગ્રીનો બહોળો વ્યાપ વર્ષ 2023માં થયો જેમ કે ચેટજીપીટી. આ તકનીકે દરેક ક્ષેત્રમાં નવી દિશાઓ ખોલી તો કેટલાંક અંશે તેનો મર્યાદિત અને વિવેકપૂર્ણ ઉપયોગ કરવાની પણ સલાહ આપવામાં આવે છે. તે જ રીતે ‘ચંદ્રયાન’ની સફળતાને કારણે વૈશ્વિક બજારમાં ‘આત્મનિર્ભર’ ભારતનો દબદબો છવાયેલો રહ્યો.

ભારતની પ્રજા ધાર્મિક માનસિકતા ધરાવે છે, અને ‘અયોધ્યા’ અને ‘રામમંદિર’ ઉપરની અખૂટ શ્રદ્ધાને કારણે વર્ષ 2024માં આપણે રામમંદિરના દ્વારે પહોંચી શકીશું. 2024માં થનારી લોકસભાની ચૂંટણીને કારણે દરેક પક્ષ પોતાનું ‘શક્તિપ્રદર્શન’ દર્શાવી રહ્યું છે. કોણો કોના માટે ‘પનોતી’ સાબિત થાય છે કે કોણ કોના માટે ‘પદયાત્રા’ યોજી સફળતાના શિખર પર બિરાજે છે તે તો આવાનાર સમય જ બતાવશે.ઉપરની વિવિધ ઘટનાઓની સારી-નરસી વિવિધ બાજુઓને ચકાસતાં ગુજરાતીલેક્સિકોન અને ગુજરાત વિશ્વકોશ ટ્રસ્ટ ‘આર્ટિફિશિયલ ઇન્ટેલિજન્સ’ને વર્ષ 2023નો ‘વર્ડ ઑફ ધ યર’ જાહેર કરતાં આનંદ અનુભવે છે. 

Word Of The Year : 2022

Word Of The Year : 2021

Word Of The Year :2020

Word Of The Year 2020 Contest

ગુજરાતીલેક્સિકન રજૂ કરે છે વર્ષ 2020 માટે ‘ગુજરાતીલેક્સિકન વર્ડ ઑફ ધ યર’ કૉન્ટેસ્ટ.

આખા વર્ષ દરમ્યાન સૌથી વધુ ચર્ચાયેલો અથવા સૌથી વધુ વાર સાંભળવામાં આવ્યો હોય એવો કોઈ શબ્દ અને જો તમને લાગે કે તે શબ્દ (જૂનો / નવો) ‘વર્ડ ઑફ ધ યર’ બની શકે છે તો અમને તે શબ્દ અને તેનો અર્થ info@gujaratilexicon.com ઉપર ઈમેલ કરો અને સ્પર્ધામાં ભાગ લો અને વિજેતાને મળશે 5001/- રૂપિયાનું રોકડ ઇનામ

કૉન્ટેસ્ટ સમયગાળો : 01-12-2020 થી 20-12-2020

પરિણામ જાહેર થવાની તારીખ : જાન્યુઆરી 2021

‘ગુજરાતીલેક્સિકન વર્ડ ઑફ ધ યર’ કૉન્ટેસ્ટમાં ભાગ લેવા માટેના નિયમો :

1. ઓછામાં ઓછો એક અને વધુમાં વધુ 3 શબ્દો ભાગ લેનાર વ્યક્તિ સૂચવી શકશે અને શબ્દ સાથે તેનો અર્થ આપવો ફરજિયાત રહેશે.
2. જો એક કરતાં વધુ વ્યક્તિઓ દ્વારા સમાન શબ્દ સૂચવવામાં આવેલ હશે અને જો તે ‘વર્ડ ઑફ ધ યર’ સ્પર્ધામાં વિજેતા તરીકે પસંદ થશે તો વહેલાં તે પહેલાંના ધોરણે સૌ પ્રથમવાર તે શબ્દ અમને સૂચવનાર વ્યક્તિ વિજેતા જાહેર થશે.
3. શબ્દ અને તેનો અર્થ અમને ફક્ત ઈમેલ દ્વારા જ મોકલવાનો રહેશે, અન્ય કોઈ માધ્યમ દ્વારા સૂચવેલ શબ્દ સ્પર્ધામાં માન્ય ગણાશે નહીં.
4. કૉન્ટેસ્ટ સમયગાળા બાદ પ્રાપ્ત થયેલ કૃતિઓ સ્પર્ધામાં માન્ય ગણાશે નહીં.
5. નિષ્ણાતની પેનલ જે શબ્દને માન્ય ઠરાવે તે જ વિજેતા શબ્દ જાહેર થશે અને તે પ્રસિદ્ધ કરવા અંગેના તમામ હક તથા સ્પર્ધા અંગેના બધા હક ગુજરાતીલેક્સિકનને આધિન રહેશે.
6. આ સ્પર્ધાનો હેતુ ફક્ત અને ફક્ત ગુજરાતી ભાષાના શબ્દોનો વ્યાપ વધારવાનો છે તેની જાહેર જનતાએ ખાસ નોંધ લેવી.

WORD OF THE YEAR – 2018