પાંદડું (2) ચોપડીનું પૃષ્ઠ (3) ગંજીફાનું પત્તું (4) ચપ્પુ-છરી ઇoનું ફળ (5) અસ્ત્રામાં તેના ફળ પેઠે વપરાતી ધારવાળી પતરી; બ્લેડ (6) પન્નું; લીલા રંગનું એક રત્ન (7) નટ – ચાકી ફેરવવાનું ઓજાર (8) જિંદગીભરનો સંબંધ (બહુધા બoવoમાં) (લા.) (9) નસીબનું પાનિયું

એક જાતનો રાતો અને લીલો ખડખડ થતો કાગળ. તે પેટી અને પટારામાં વપરાય છે.

કોશ કે કોદાળીની ધાર.

ગંજીફાનું પત્તું.

ચાકી અથવા પેચવાળા લોઢાના ખીલાને ચડાવવા અથવા બહાર કાઢવા ફેરવવામાં વપરાતું કાણાવાળું કે ખાંચાવાળું લોઢાનું હથિયાર; પેચકશ; ` સ્પેનર. `

જીવનસંબંધ; આજન્મ સંબંધ; જિંદગી પર્યંતનો સંબંધ; પનારો.

( કચ્છી ) દૂધમાં બાંધેલ રોટી.

નવ માંહેનું એક રત્ન; પિરોજાની જાતિનું લીલા રંગનું એક રત્ન; પન્નું. તે સારક, શીતળ અને સર્વ રોગહર છે. તેને ગારુત્મક, મરક્ત, અસ્ત્રગર્ભ, હરિન્મણી પણ કહે છે. તે ઘણું કરીને સ્લેટ અને ગ્રેનાઇટની ખાણોમાંથી નીકળે છે. ક્રોમિયમ નામના એક રંગ વધારનારા તત્ત્વને લીધે બીજાં તેનાં સજાતીય રત્નોથી તેનો રંગ વધારે ઘેરો તથા આકર્ષક હોય છે. પાનું જેટલું ઘેરા લીલા રંગનું તથા ચળકાટવાળું હોય છે, તેટલું તે કીમતી ગણાય છે. સૌથી સરસ પાનાં દક્ષિણ અમેરિકામાં કોલંબિઅની ખાણોમાંથી નીકળે છે. હિંદુસ્તાનના પન્ના રાજ્યની ખાણોમાંથી પણ પ્રાચીન કાળથી પાનાં નીકળે છે. ફલિત જ્યોતિષ પ્રમાણે પાનાનો અધિષ્ઠાતા દેવતા બુધ છે. તે ધારણ કરવાથી તેના કોપની શાંતિ થતી મનાય છે. તેને ઈંદ્રનીલ પણ કહેવામાં આવે છે. એનો રંગ નીલો હોય છે. તે બુધ નામના ગ્રહનું નંગ છે. વૈદ્યકીય ગુણમાં પણ વપરાય છે. તે પથ્થર કઠણાશમાં ઓછો છે. બ્રાઝિલ અને બ્રહ્મદેશમાં તેની ખાણો છે. સૌથી મોટું પાનું મોરોક્કોના પાદશાહ પાસે છે. તેનું વજન બે ઔંસ છે. રૂમના એક એક આગલા રાજા નીરોએ એક આખા પાનાનું ચશ્મું બનાવ્યું હતું.

નસીબનું પાનિયું.

પતરૂં; કપોટી જેવું પડ.

પત્ર; પતું; પતાકડું.

પાન; પાંદડું; દલ.

પૃષ્ઠ; કાગળની અકેકી બાજુ; ચોપડીમાં બાંધેલા કાગળનું અકેકું પત્તું કે પડ.

ફળ.

ભવિષ્ય; ભાગ્ય; નસીબ.

ભાગ; અંશ.

લોખંડની ધારદાર ચીપ; ચપ્પુ કે છરીનું ફળ; ખરા લોઢાનું અણી ને ધારવાળું ચપટું ફળું. જેમકે, તરવારનું પાનું; રંદાનું પાનું.

સંબંધ; સગપણ.

સાર પાડવાનો સળિયો.

સોના કે રૂપાનાં પાતળાં વાળા જેવાં પત્તાં કે પડ; વરખનું એક પત્ર.

હથિયાર માટેનું લોઢું.