ચકલાની માદા (2) પાણીનો નળ ઉઘાડ-બંધ કરવાની પ્રયુક્તિ – કળ (3) પાણીનો નળ (4) બારીબારણાં વાસવા માટેની ઠેસ (5) ક્રિકેટના સ્ટમ્પ ઉપરની આડી ગિલ્લી; બેલ

કૂવાની ગરેડી.

ક્રિકેટની રમતમાં જમીનમાં ખોડેલી ત્રણ લાકડીઓ ઉપરના નાના લાકડાના કટકા માંહેનું દરેક.

ઘઉં, જુવાર અને ચોખાને શેકી તેના આટાનો બનાવેલો ખાવાનો પદાર્થ.

ચકલાની માદા; ચલ્લી; એક જાતનું સાધારણ પક્ષી. તે દુનિયામાં ઘણાખરાં વસેલા ભાગમાં જોવામાં આવે છે. તે છ ઇંચ લાંબી હોય અને તેને ટૂંકી મજબૂત ચાંચ હોય. નરને કાળી ડોક અને માદા કરતાં વધારે બદામી પીછાં હોય. આ પક્ષી માણસનું એક ઉપરોહ થઇ પડ્યું છે. ખોરાકની દુકાનમાંથી તે દરેક જાતનું અનાજ અથવા ખાદ્ય ચોરે છે, કોથળા વગેરેમાંથી કંઈ ખાવાનું બહાર લઈ જઈ ખાઈને તરત જ એટલા જ ઉત્સાહથી પાછી આવે છે. ઘરમાં તે ખોરાક કરતાં આશ્રય માટે વધારે આવે છે. કેટલાંક જીવજંતુને તે ખાઈ જાય છે. ચકલીની ઝાડમાં રહેનારી પણ એક જાત છે. તે નાની, બીકણ અને ભાગ્યે જ જોવામાં આવે છે. બીજી એક પીળા ગળાવાળી ચકલી પણ થાય છે. ખાસ કરીને તે ઝાડનું પક્ષી છે. ઝાડની ઊંચી ડાળી ઉપર બેસીને આ પક્ષી એકધારો ચીંચીં અવાજ કર્યા જ કરે છે. તે એકીવારે ત્રણથી ચાર ઇંડા મૂકે છે. ચકલીની આયુષ્ય અવધિ ૪૦ વર્ષની કહેવાય છે.

પાણીના નળનો કોક; પાણીનો નળ ખોલવાની ચાવી.

પાણીનો નળ.

રેંટિયામાં ચક્કર તથા કરેડાની વચ્ચે રાખવામાં આવતો લાકડાનો કાણાવાળો નાનો કટકો. તે કાણામાં ધરી રહે છે. આ ચકલી કરેડાને અને ચક્કરને ભટકાવા દેતી નથી.

વેશ્યા.