ઘોડાની માદા (2) જેની ઉપર કોઈ વસ્તુ મુકાય અથવા ગોઠવાય કે ટંગાવાય એવી લાકડા કે ધાતુની બનાવટ (3) જેનો ટેકો લઈ ચલાય એવી લાકડી (4) ઊંચે ચડવાની નિસરણી જેવાં પગથિયાંવાળી બનાવટ

( જ્યોતિષ ) અઠ્ઠાવીશ માંહેનું પહેલુ નક્ષત્ર. અશ્વિની નક્ષત્રના ઘોડાના માથાના આકારમાં ત્રણ તારા છે.

અભ્યાસ નહિ કરવા માટે નિશાળિયાના હાથ પાછળ રખાવી, બાંધી, પીઠ અને માથાની વચ્ચે પાટી મૂકવામાં આવે એવી એક શિક્ષા.

આધાર; ટેકો.

ઊંચે પહોંચાય તે માટે બનાવેલું એક સ્ટૂલ; નાની નિસરણી.

એ નામની મેમણની એક અટક.

કપડાં, પાઘડી, ટોપી વગેરે મૂકવાની લાકડાની ખીંટીવાળી બનાવટ.

ખુમારી; લહેર; તરંગ.

ઘોડાની માદા; ઘોટી. એક જ ઘોડાથી જુદી જુદી જાતની ઘોડીમાં ઓલાદ લેવરાવાય છે. જે જાતની ઘોડી હોય તે જાતનું બચ્ચું થાય છે. માટે ઘોડી ઉપરથી ઘોડાની જાત ગણાય છે. કાઠિયાવાડી ઘોડીની પ્રખ્યાત જાતો નીચે પ્રમાણે છે: ૧, ઢસાની માણકી, ૨. ચોટિલાની ચાની, ૩. પાળિયાદની હરણ, ૪. ભડલીની તાજણ, ૫. મૂળીની બેરી, ૬. બાબરાની ઢેલ, ૭. હળવદની રામપાસા, ૮. લીંબડીની લાલ, ૯. ભીમોરાની કેસર, ૧૦. લખતરની શિંગાળી, ૧૧. જૂનાગઢની હીરાળ. તે સિવાય તીખી, વાંગળી, વાંદર્ય, રેશમ, ક્યાટી, રોઝી, બોદલી, વીજળી, હરણી, કપિ, ચાંદલી, ઉતાલ, માંકડી, પાંખાળી, સોજવાળી, જબાદ, પટુઈ, છબીલી, છોગાળી, ચમરઢાળ, વાગલી, પીરાણી, રેડી, ભૂતડી, જબાલ, મોરણ, ચાંખડિયાળ, લખી, ફૂલમાળ, ચારૂપ, તાજણ વગેરે જાતો છે.

જારનાં કણસલાં ઝૂડી તેમાંથી જાર ચોખ્ખી કરવા જારની લાંબી વાળેલી ઢગલી.

ટેકણ; તંબૂરાના તાર ઊંચા રાખવાની ઘોડી.

ટેકો લઈને ચાલવાની લાકડી; લંગડાની ઘોડી.

ત્રિપાઈ; જેની ઉપર કોઈ વસ્તુ મુકાય અથવા ગોઠવાય એવી લાકડા કે ધાતુની બનાવટની બેસણી.

દેશી ચરખાના લાકડાના લાઠિયા નીચે કરેડામાં નાખવાનું એક સાધન.

નીંભાડાના બારા ઉપરના કાંઠા ઉપરની ત્રણ નળિયાંની ગોઠવણી. કુંભાર જ્યારે નીંભોડા પકવે ત્યારે નીંભાડો તૈયાર કર્યા પછી કૂચો દઈ લીધા પછી નીંભાડાને ગોઠવતી વખતે આઠ બારાં રાખેલાં હોય છે. તે બારાં ઉપર બીજા વાસણના કાંઠા રાખે અને તે કાંઠા ઉપર ત્રણ નળિયાં લઈ ગોઠવે. તેને ઘોડી કહે છે. બારામાં રાખ ન પડે તે માટે તે રાખવી પડે છે.

પીંજણમાં નેજ અને હથવાસાની વચ્ચે રખાતી લાકડાની પાતળી ને સંઘેડે ઉતારેલ નાની ડાંડી.

રમતમાં દાવ દેનાર છોકરો. તેની પીઠ ઉપર દાવ લેનાર ચડે છે.

લગ્નગીત.

વસ્તુ ટંગાય અથવા અદ્ધર રખાય એવી લાકડાની ચીપોની બનાવટ.

વસ્તુ મૂકવાનું અથવા બેસવાનું કે ભરાવવાનું લાકડાનું ચોકઠું.

વહાણ ઉપરનું પાયખાનું; જાજરૂનું પાંજરૂં. તે હમેશા ડાબી બાજુએ બહાર લટકાવવામાં આવે છે.

વેજાનું પાણ બાંધતી વખતે દોરા ઊંચા રાખવાનું સાધન.

શેતરંજની રમતમાં ઘોડાનું મહોરૂં.

શેવ પાડવાનો સંચો.

સુન્નત સાદીમાં વપરાતો લાકડાનો ચીપિયો.

હોકાનું નાળિયેર રહી શકે તેવી લાકડાંની કે ધાતુની ચીપોની બનાવટ.

એ નામની મેમણની અટકનું માણસ.

એ નામની અટકનું.